El templo del sol

Güei duermen los paxarinos, apodrez la madera vieyo, caen los teyaos de los horros, la xunca tomó los caminos. Ablayen les fueyes de los árboles, de les fogueres yá nun sal fumu, los artos entren peles ventanes y un musín prietu mírame asustáu. Güei doite les gracies mientres pienso cuántes veces parviasti eses tierres, si te dolíen les manes de garrar la garabata, si cansaba más el trabayu o la fame. Y nun quiero llorar, porque val más aparentar que’l tiempu nun pasa y tovía tas tocándome, que ye fácil avezase a nun vete, que si sigo rucando volverás.       Semeya: Muséu del Pueblu d'Asturies, colección Constantino Suárez, 1936